LOST : Трета сезона финале - Sci Fi против Фикција!

Третата сезона на Изгубени можеби ве остави со повеќе прашања отколку одговори. Драмата на ABC има различни невозможни работи како патување во времето, алтернативни универзуми, чудовишта и невидлив човек. За нив за жал сеуште нема теории! Но, сепак финалето на третата сезона имаше и други интересни работи кои на прв поглед изгледаа невозможни. Тие што не го гледале финалето да не го читаат долниот текст!

Тие што го имаат гледано нека ја изберат опцијата читај повеќе!

Можно ли е да пукне динамитот со истрели од пушки?
Борбата помеѓу Другите и Преживеаните на плажата започна доцна вечерта. Паметните преживеани поставија динамити на местото кадешто требаше да има бремени жени и успеаја да убијат седум Други пукајќи во нив со пушки. За жал можеше да умрат и повеќе луѓе доколку Џин не направеше катастрофална грешка. Експертот за динамити Пелтон вели: „Динамитите не се импресивни во отворен простор, а и без пушките тие би пукнале само доколку некој ги допрел по тврдо.“ Но тоа не е единствениот проблем, тој исто така се двоуми дали е можно динамитот да пукне ако тој постоел од 1880 година.... Можеби чудните островски моќи му помогнале на динамитот да опстои како нов.


Дали бомбата може навистина да пукне во вода?
Едноокиот „Друг“ Микаил успеа со бомба да разнесе дел од The Looking Glass станицата во кој Чарли започна комуникација со Пени. Откако бомбата испука Чарли се заклучи во собата спасувајќи го Дезмондовиот живот, но притоа задушувајќи се во водата. „Бомбите не се многу ефикасни во вода, за разлика кога се во воздух.“ вели Пелтон. Шрапнелот би успеал без проблем да разбие стакло и во вода. Но, како и да е според него, повеќето подводни стакла се направени со посебно стакло (плексистакло) кое е многу тешко да се разбие. Сепак, со оглед на тоа што Микаил беше толку близо до стаклото - ставајќи го својот живот во голема опасност - сето тоа е можно. Баш се сомневам дека во следната сезона ќе го видиме повторно помеѓу „Другите“!


Дали е навистина возможно на некој да му го скршите вратот со нозе?
Беше тешко да се верува дека Ирачкиот војник Саид ќе си дозволи да го заробат, но уште потешко дека ќе успее да му скрши врат на некој со своите нозе! За ова експертот Пелтон вели дека е можно судејќи по чекорите на Саид: „Ова се прави за време на војните, но е дефинитивно тешко.“ Сепак како што видовме во трите сезони на шоуто, нема нешто што Саид досега не можел да го направи. Освен контролирање на неговиот темперамент...


Дали сигналот на Русо навистина го блокираше сигналот на телефонот на Наоми?
Кога Чарли го исклучи препречниот сигнал од The Looking Glass станицата, Изгубените имаа уште една препрека која мораа да ја усклучат. Тоа беше Русовиот сигнал кој се емитувал цели 16 години од Островската радио кула. Но, тоа според Пелтон е невозможно. „САТ сигналите се блокирани само од некакви посебни предмети или објекти кои го блокираат сателитот,“ вели тој. „Радио сигналите не би имале ефект“.

Извор: DarkUFO