Најдобрите веб-страни за Изгубени: Lostpedia

Додека серијата LOST е „на одмор“ во САД, а моментно и кај нас јас ќе ви направам рецензии за најдобрите веб-страни посветени на хит-серијата Изгубени. Прв избор е најдобрата и најголема енциклопедија за LOST - Lostpedia.
LOSTPEDIA се појавила на дваесет и втори септември 2005 година еден ден по премиерата на втората сезона - Man of Science, Man of Faith која била прикажана на ABC, и една година по падот и мистериозното исчезнување на Oceanic Airlines Flight 815 некаде во јужниот Пацифик. Сајтот направен од Kevin Croy, бил креиран со цел да им овозможи на фановите на шоуто да се организираат и да ги претстават своите теории, мислења и информации за кастингот кој бил прикажан во шоуто. Откако за првпат била ставена на веб, над 30 милиони посети биле генерирани и 2000 страни креирани како што карактерите живееле ден по ден на мистериозниот Остров. Ова ја направило Lostpedia една од најпосетуваните wiki-ја на вебот, надвор од Wikipedia.
Lostpedia е неофицијална фан википедија за Изгубени и не е конектирана никако со ABC или Bad Robot Productions.
Причината поради која оваа страница го доживува овој успех е што е се на едно место собрано: мистериите, карактерите, интересните теми, сезоните и нивните епизоди, локациите на островот итн...