Ова се најновите теории на блогерот Мики. Уживајте!
-Алтернативен универзум
–Па дали е можно, конечно и некоја моја теорија да има смисла… па погледнете, Соер најголемиот измамник и непочитувач на законот стана полицаец, па дали е тоа возможно. Но некои навики очигледно никогаш нема да се изменат кај нашите изгубени а тоа е желбата да го убие Ентони Купер, бегањето кај Кејт, алчноста кај Бен и начинот на кој Џек секогаш ќе ги упропасти работите (но на крајот секогаш супер завршуваат) и многу други примери на кои ќе налетуваме во алтернативниот универзум. И сега го гледаме Соер како полицаец, а негов партнер е верувале или не Мајлс. Ха ха, но многу очигледно е дека Мајлс е некако најзапознаен со настаните од островот(во риал тајм) и лагите на Соер(во алт. ун.), зборот ми беше уште првиот пат Мајлс знаеше дека Соер го лаже, но остави време, да види дали Соер можеби ќе му признае некои работи. Значи да сме на јасно, Мајлс дозна од Шарлот што се случило меѓу нив, и тоа го искористи како повод за да започне разговор со Соер за тоа што правел во Австралија (иако веќе знае), но притоа правејќи се „на Тошо“ кога Соер му спомна за Шарлот. Мајлс е еден од најневеројатните ликови во серијава и сигурен сум дека знае уште многу други работи и за островот, и не е само обичен Гоустбастер.
–А сега да се префрлиме на Кејт, како е можно Кејт да се знае со Соер… Епа вака ќе ви кажам Кејт се знае со Соер бидејќи веќе се сретнале. Но НЕ го знае од островот, како што веќе многумина очекуваме, туку некогаш во алтернативниот универзум после слетувањето на Океаник во ЛА, се имаат сретнато на кафе. Шала на страна тука е мојата теорија, за да се обидам да погодам, каде, кога и зошто се сретнале во алт. ун. Значи откако Океаник се спушти во ЛА, Соер (Соер е полицаец во Алтернативниот универзум) ја забележа Кејт дека бега но едноставно бил заслепен од нејзиниот шарм, па откако добил пригода да „лови“ некоја ситна измамничка, пронашол повеќе инфо и всушност дознал дека тоа била девојката што ја бркале на аеродромот, па тоа му било шансата да влезе во врска со нејзе па ја наместил „замката“ и Кејт многу лесно налетала на неа. Но бидејќи го знаеме вкусот на Соер, тој не ја уапсил туку напротив Кејт го освоила, и така си заработила уште неколку дена на слобода, се до денот кога Соер не ја фати (во претходната епизода)
-Подморничарите 
Ете му ја демантираа теоријата на Иван дека има пријателство меѓу Видмор и Флок. Епа што всушност бара Видмор на островот. Се сеќавате дека Видмор во една прилика се сретна со Елоиз. Епа после тоа сигурно се имаат сретнато уште еднаш и Елоиз му има кажано на Видмор за Аџира, и повторното влетување на авион во прозорецот. Сето тоа Видмор го искористил за да си најде и своја шанса за да стаса на островот, а тоа било возможно само ако ја вклучи и Елоиз во целата оваа приказна, а за возврат таа да му каже кога ќе има можност да влета во прозорецот. А што бара Видмор на островот, па мислам дека е многу јасно, бара повторно можност да завладее со него…а Елоиз му е копартнер. Но тука доаѓа на врата „госпоѓата“ Алчност и го потсетува Видмор дека всушност тој може сам да владее со островот само ако ја елиминира Елоиз од нивниот план. Откако решава дека Елоиз не му е потребна ја заклучува во онаа врата до која помина Соер. Сега пречка му е само Флок, кој всушност и не му е пречка но тој за тоа не знае. Нивните патишта се разидуваат, Видмор сака да владее со островот, а Флок сака да си отиде од него, но тие се премногу заслепени што неможат да го забележат тоа. Попат Видмор ги поставува оние сонари или како и да се викаа (како оние во Othertown-како што кажа Соер) за да се одбрани од нападот на Флок, за кој сигурно знае многу. А и во врска со мртвите тела во јамата, мислам дека тоа не е масло на Видмор, бидејќи очигледно (по мувите) е дека се мртви веќе подолго време, а Видмор само што пристигна. Значи тие се преживеаните од Аџира летот, бидејќи не сите се префрлија на главниот остров и убиени се од Флок, кој знаел за доаѓањето на Видмор, притоа не сакајќи да остави никакви траги зад себе, а сигурен сум дека тие би прозбореле.
-Саид не е Саид
Зошто Саид не сакаше да и помогне на Кејт. Еве зошто, се повеќе мислам дека во Саид има влезено Џејкоб, и всушност тој знаел (како што знаеше и многу други работи) дека Клер нема да ја убие Кејт. Саид беше намерно убиен во храмот за да може телото на Џејкоб да влезе во него, и со некој добар план на крајот да го спречи Флок од напуштање на островот, бидејќи истиот тој Флок ја одржува рамнотежата на островот, а без него нема да може да функционира истиот. Но сега пак сигурно ќе се запрашаме зошто пак Доган сакаше да го убие Саид. Тука има три можности: или ми е грешна теоријава, или Доган е непријател на Џејкоб, или па имаме трета теорија. А таа гласи вака: Се сеќавате кога Бен беше однесен во храмот, епа таму сигурно го лечеле на начин ист како и кај оној кај саид. Но откако Бен излезе од таму тој стана доста безчуствителна личност, и воопшто не му беше гајле за останатите. Епа сигурно тоа се случило и со Саид кој откако беше излекуван на мистичен начин стана она безчуствително суштество како Бен на кое не му е гајле за дотогашните пријатели ОСВЕН за неговиот лидер, а кај Бен тоа беше Џејкоб, но откако Џејкоб умре, сега останува на Саид лидер да му биде Флок.
-Историјата меѓу Видмор и Флок
Значи во една од претходните теории доста објаснив за односот меѓу Видмор и Флок. Но сега ќе се позанимавам за нивната историја. Претпоставувам дека Флок своите моќи какви што ги има и ден денс, ги има стекнато баш за времето кога Видмор беше еден од главните на островот. Тие биле пријатели но откако нивното „другарство“ завршило, еден од нив морал да отиде од островот, за да може другиот слободно да владее. Епа баш во тој момент Флок е „допрен“ (touched) од страна на Џејкоб и ги добива оние моќи кои ги има до ден денес. Па на тој начин склучувајќи план со Бен, го исфрлаат Видмор надвор од островот, и одтогаш неговиот лик (Флок) почнува да се развива како негативен какрактер. Но бидејќи Флок сакал да го напушти островот, а Џејкоб не му дозволувал, бидејќи тој го направил тоа што е, тие станале најголеми непријатели, и оттогаш датира нивната војна. Сега Видмор кога добива прилика да се врати назад на островот, и да завладее со него, најголема пречка му е Флок.
-И Флок бил некогаш дете
Да во периодот кога биле за прв пат донесени првите луѓе на островот. Неговаата мајка претпоставувам дека е Карен Дегрутов(една од основачите на Дарма), кои во 1970 започнале истражувања за островот. Тие биле толку занесени за Дарма што го оставиле Флок на милоста и немилоста на природата, односно со првиот бран го пратиле на островот. Тој таму ја започнал својата битка со Видмор. Ова беше напишано од недостаток на идеи, за тоа која може да му биде мајка на Флок и зошто била луда…
0 коментари:
Објави коментар