Кој би рекол дека дури во шестата сезона ќе ја видиме првата епизода со рејтинг под 4?…
Навистина изгледа застрашувачки овој резултат по првите 40 гласови „фрлени“ на анкетата за What Kate Does… Да имаш за 0,9 помала оценка од втората најлошо рангирана епизода во изминатите три сезони е нешто кое дефинитивно треба да ги загрижи сценаристите на Изгубени. Посебно затоа што ваква епизода никој не очекуваше да се случи во последната сезона.
Во меѓувреме, премиерата (LA X) падна за две места подоле на листата и сега има рејтинг – 4,73. Дали можеби и ова игра удел во лошиот рејтинг на последнава епизода?! Не е првпат една епизода да биде прогласена за катастрофална од страна на фановите само затоа што претходната била далеку над просечното ниво на Изгубени (кое е далеку од просечно ако го споредиме со останатите ТВ шоуа).
Најдобри сезони по просек:
1. Петта сезона: 4.59
2. Четврта сезона: 4.52
3. Шеста сезона: 3.98 (по две епизоди)
P.S. Во случај да не забележавте – и двете најлошо рангирани епизоди од четвртата сезона па наваму (Eggtown и What Kate Does) се Кејт-центрични!!!
0 коментари:
Објави коментар